Hasé Rapat World Achehnese Association (WAA) peudjak dalam program 2014

Aktivis WAA teungôh muwafakat (Fhoto Wareh)


WAA - Sabtu15/02/14, Hasé Rapat World Achehnese Association (WAA) peudjak dalam program 2014

Denmark - Rapat World Achehnese Association (WAA) untuk peuteuntée peudjak program-program keuridja keu thôn 2014 dan masa ukeu. Teumpat atjara di Filstedvej 10, 9000 Aalborg, dan rapat meulai nibak djeum pôh 16:30 njang geubuka uléh koordinator WAA (Nek hasan). Deungôn haba takdém pudjoë syukur keupada Allah Swt dan seulaweutt beuseurta saleum keu Rasulullah.

Hana tuwoë teurimonggeunaséh tjit keupada mandum anggeta WAA, syedara dan rakan-rakan njang kaneuluweung waté untuk saban-saban takôngsi pikéran lagé njang ka-ka tapeubuët, dan tatjôk sikeup beusama nibak tapeumadjuë daya piké dalam tapeugoët sesuatu kebadjikan atawa njang na syafaat keubangsa.

Meunjoëna njang kureung peu njang kalheuh tapeubuet nibak thôn njang kaleupah, maka bak keuseumpatan waté njoë sama-sama tatamah njang goët loem dalam thôn 2014. Ôhnan sagai haba teuakhé mukaddimah njang geusampoë uleh koordinator Organisasi WAA. Lheuh njan langsông meulandjuët dalam peukara teurimong idé, brie masôkan uléh mandum peuserta rapat untuk tapeuguna waté nibak tarumus pikéran-pikéran tjeumeurlang dan super goët.

Alhamdulillah dengan masa waté dua djeum muwafakat mampuë meupeuhasé 15 blah bôh poén njang kalheuh meususôn di miyeub njoë: 

  1. Peuingat uroe meuseudjarah dan musibah rayok Aceh, ( 26 maret, MoU, Tsunami, 4 December, dll)
  2. Tur Umrah, (anggeta WAA dan rakan2/seutjara Group, soë njang tém2)  
  3. Meukeurija sama deugôn lembaga-lembaga di Denmark dan naggroe-nanggroë laen
  4. Meupeukoëng hubungan silaturrahmi masyarakat Aceh ban sigom donja
  5. Peublikasi struktur, dan mandum njang meukaét deungon keuridja2 WAA bak Web WAA
  6. Rakan2  anggeta WAA, haruh geujaweub tjit meunjoe na pertanyaan rakan2 laen sesuai dengôn bideung  maseng-maséng untuk njak djeulah lagé na dalam program, seuhingga njak trang dang bek djeut keubahan fitnah.
  7. Peukara seumiyeub apabila na njang musibah (meninggai di Dk)
  8. Peugoët Blog WAA untuk tasimpan catatan/tulesan bek sampé gadoëh seudjarah dan tapasang iklan
  9. Peudjeulah meukaét djak ba Bue bk ureung meugandung  (medlem WAA) seulama njoe seubagoë wudjut keupedulian seusama, dan tasaport seutjara peutjuma ( Laen tadukung seutjara pribadi rakan-rakan). Karena gohloëm pernah tapeubuet dalam hai njan seutjara kelembagaan (tahap percobaan, sabeub njoë teumasôk dalam salah saboh  asoë program WAA dalam meupeu udep nilai keacehan di lua nanggroe). 
  10. Meunjoe na peng dari hasé tapasang iklan google adense tangui péng njan untuk dana sosial atawa senyembara teumuleh/meuaphai ( aneuk miet Aceh di Denmark ).
  11. Peukara keu Agamaan (Beut aneuk2 miet landjuet lagé njang kalheuh geubrie pendapat uléh ureung tjit aneuk miet njang hadir, dan WAA support gure sukarela seubagoë keupedulian serta perhatian geutanjoë bersamaa seualakada).
  12. Aneuk miet njang rayoëk haruh tapeuaktiv untuk tayuë bantu peubeut aneuk miet njang tjut-tjut, sira tapeubeuhoë mental dan tacipta regenerasi nibak tjoëk tanggong djaweub dalam bideung Agama. Gure geubantu peuarah dalam bideung njan dan aneuk njang rayoëk meu ulang beut droë bak gure.
  13. Peubaroë wadjah logo WAA
  14. Waté atjara WAA bak gedong, ureung inoëng njang tém, akan geupeugoet aktivitas peugoët kuwéh (support WAA). 
  15. Meunjoë pakék sesuatu njang meukaét barang organisasi WAA, seutjara person, masyarakat, anggetá haruh tasupport ekonomi alakada seubagoë wudjuët kepedulian dalam meudjaga dan meurawat administrasi kelembagaan.


Mandum ide dan masukan njoe, kalheuh geukaloën deungôh djeulah, trang, uléh anggéta dan rakan-rakan waté atjara rapat meulalui layeu Projektor. Lheuh geuteulaáh atawa geuevaluassi bersama, maka ide dan masukan njang kana njan, kageusetudjuë dan kageuseupakat uléh anggéta WAA dan rakan-rakan njang hadir bak atjara rapat WAA, nibak djeum poëh 18:30 uroë Sabtu 15.02.14 untuk tapeudjalan keu program thôn 2014 dan masa keuridja ukeu. 

Anggeta WAA njang hadir: Hassan Basri Sulaiman, Usman Idris, Hendra Saputra, Mariatini, Nali Udin, Ruyani Daud, Muhammad Abdullah, Tahar Maulidin, Diana, Syukri Ibrahim, Husaini Azis, Ishak Yusuf, Aris Syahputra, Sulaiman Mahmud, Tarmizi Yunus, Suhadi Yahya. 
Rakan-rakan:  M.Husen, Saiful Taher, Anwar Ibrahim, Ambasiyah, 

Koordinator World Achehnese Association

Nek Hasan


World Acehnese Association ( WAA )
Bansa Lon! Ban sigom donja keu Aceh!

Previous Post Next Post