Aalborg-Danmark : Organisasi persatuan masyarakat Aceh bansigom Donja atawa World Acehnese Association (WAA), meukeuridja peu njang patoet sesuai misi visi serta program.
Berkat dukongan rakan-rakan dan syedara mandum njang saléng keurdja sama seutjara sukarela deungon ikhlah. ka 17 thon meuseunambong keuridja dalam meubagoë program. Teumasok dalam bideung didék generasi, tapeuna pendidikan agama keu aneuk-aneuk generasi Aceh di Baleé Alam - Danmark dan sosial peduli berbagi keu Aceh.
Teurimonggeunaseh keupada mandum anggéta WAA dan rakan-rakan bangsa Aceh bansigom Donja, ateuh dukungan dan partisipasi bersama nibak tapeubuet keuridja-keuridja dalam organisasi seutjara umum.
Tameulake nibak Allah Swt, beuhadir teuh sabe nibak tapeu sukses loem sigala aktivitas dan program-program mulia masa ukeu. Mudah mudahan peu njang katakeuridja beudjeut keu amalan.
Seulamat Milad World Acehnese Association ke 17 tahun (17/11/24) dan Seulamat thon 2025.
Bansigom Donja Keu Aceh!
Selasa 31/12/24
Wassalam
Koordinator, WAA
Nekhasan
