 |
| Zulkifli Yahya – Waa (Kanan) dan Fajran Zain (Aceh Institute) pada Silaturrahmi WAA Ban sigom Donja I di Denmark, 2,3 dan 4 oktober 2009 [Foto Suhadi Yahya/Waa] |
WAA– Senin 26/10/2009
Assalamualaikum WrWb
Ukeu rakan dan Sjèëdara bandum
Surat Peunjata – Nibak uro njoë, Seulanjan 26 oktober 2009, situs www.waa-aceh.org akan tabuka halaman untuk tuléh pantôn, hikayat dan cae jadi rakan-rakan bandum taharap neu kirém pantôn untôk ta pasoë nibak halaman njang kana njan.
Neu peuthèë tjit bak rakan-rakan ban bandum bansa Atjèh njang laén teuntang njan.
Meungenai tulésan laén miseudjieh, lapôran, tjatatan, kisah, liputan atjara, opini dan seulaéndjih djeut tjit neukirém supaya djeut tapasoe bak website geutanjoe seuhingga website geutanjoe sabèë na informasi keu sjèëadara ban bandum.
Hana masalah meunjoë tulésan paneuk atawa panjang.
Meunjoë na kemudahan, bandum tulésan dak djeut neukirém si ôn gamba, djeut gamba peuneuléh atawa gamba liputan njang meusangkôt paôt deungon Atjèh dan meusapat deungon keuterangan gamba njang leungkap, dan njang pô gamba (ureung tjok gamba).
Wassalam
Seulanjan 26 oktober 2009
Fjerritslev, Denmark
Team World Achehnese Association (WAA)
Ban sigom donja keu Atjèh!
