Jak ta Peujroh Bansa (Dari WAA Keu Mandum Wareh)

Azmi Abu Bakar Aktivis World Achehnese Association, Mahasiswa Fakultas Syariah

WAA – Jumat 22/10/2010, Jak ta Peujroh Bansa (Dari WAA Keu Mandum Wareh)

Peunuléh : Azmi Abubakar

Assalamu’alaikum uloen ucapkan

Keu mandum wareh bak jinoe pekan

Phon-phon that haba pujoe keu tuhan

Baro oh leueh nyan  shalaweuet  akan

Rasul Muhammad pilihan tuhan

Saleuem takzim keu aktivis WAA

Nyang saboh saho bak donya raya

Saleuem meuturi dari loen tuan

Azmi Abubakar nyang meuharok kawan

Nakeuh Azhar tempat  meureunoe kamoe

Do’a meulakee keu mandum jinoe

Moga tuhan peumeudah  tanyoe

Saboh solusi na keueh WAA

Teumpat peusaho uram ngen punca

Ta lake do’a beu jroh abadan

Peu nyang ta peu buet beu jeuet amalan

Sideh di Denmark WAA geu markas

Dari sinan keueh brita sabe geu ulas

Teungku  Tarmizi bak WAA sajan

Nan meusyuhu sampoe beurangkajan

Ta lake do’a nibak po tuhan

WAA sajan beulancar tujuan

Peukuat syedara sesama rakan

Ta lakee nanggroe beu sabe aman

Peu-peu na program seumoga lancar

Peumakmu bansa bek le na  lapar

Ta kerja sama sideh di Bandar

Aceh Darussalam  le wareh berlayar

U lua nanggroe beuna di belajar

Agar Aceh nyoe kembali besar

Meumada jinoe uloen kheuen haba

Pat na salah muah ta pinta

Saleuem ‘alaikum  uloen top bahsa

Dari WAA kamoe preh brita

Kairo 26 September 2010

Azmi Abu Bakar Aktivis World Achehnese Association, Mahasiswa Fakultas Syariah wal Qanun, Al Azhar Mesir