 |
| Tgk Faisal Abdul Rahman [Foto Iwan-Waa]. |
WAA – Selasa 24/11/2009, CAE Uleh: Faisal lhoksukon
Keurija Keu Bansa
Asslamu’anlaikom warahmatullah
jaroe duablah loe angkat sigra
uloen brisaluem keu rasulallah
yang bri perintah keu ummat dumna
Qu’an ngoen hadis njan keuh pedoman
keu urueng islam yang na lam donja.
bek lee jirueloh Qur’an ngoen hadis
anggota iblis beuancoe sigra
bek jijak puegah sabe beutoijih
Qur’an ngoen hadis hana jinitna
pulom di Aceh jinoe takalon
agam ngoen inoeng kana muebeda
aceh kalueh na syari’at islam
peuthuen hai rakan bek gop jak cuca.
kamoe di luwa ka saboh badan
ngoen rakan-rakan urueng WAA
waa sampoe dua thoen rijang
ka guepuejuang kue nasip bangsa
bangsa di aceh cukopthat sayang
meunjoe MoU njan hana lee makna
peuthuen hai tgk damee kadatang
bungkoh lam reugam bek salah buka.
bek lee tareuruboet pangkat jabatan
pikee hai rakan keu nasip bangsa
sabe tabaca ka nibak koran
dalam haman tajuk narkoba
cara tahapus buet kejahata
pikee lee rijang lapangan kerja
keurija bue-beutoi yang mat pimpinan
bek meunan-meunan cara keurija.
Damee kalinjoe koen wayang-wayang
kana udalam Unieropa
watee geu teken ka helsinki
GAM ngoen RI hana lee dawa
laju jituleh atueh keurutah
koen puegah-peugah dame kalinjoe
damee ka sampeo 4 thoen kalupah
Alhamdulliah jinoe kanyata.
Kadueh takalon jinoe di dalam
kalee awak GAM yang mat keurija
adak pih meunan cit hasalah
sebab jipeugah keurija keu bangsa
meunjoe kalinjoe han speu peugah
oh dudoe teulah hana lee guna
peurle suemikee pemaju gampong
ube na jurong peugoet lee sigra.
Bek peugoet sabee di banda aceh
rakyat di preh-preh kirem beulanja
keupue lee kanto rakyat dum susah
lagee bang dolah hana keurija
diluwa nanggroe cukop that meugah
laju jipeugah Aceh sumatra
awaknjan ramee teuka u aceh
keudeh pulau Weh awaknjan teuka.
pelabuhan sabang cukop that indah
laju jipeugah lee awak luwa
yang na teumakot roet keamanan
dua droe rakan rab hana lee nama
pemimpin aceh pike lee rijang
bek lee meu ulang lagee yang ka-ka.
haba ka abeh uloen jok peusan
keu bandum rakan dalam ngoen luwa
peusan loen peu eek keubandum rakan
yang mantoeng sayang keu aneuk bangsa.
Denmark 24 November 2009
Faisal lhoksukon adalah Aktivis World Achehnese Association berdomisili di Denmark
